Pwy sydd angen cofrestru a pham?

Prif ddiben cofrestru yw diogelu'r cyhoedd gan sicrhau mai dim ond y rhai sy'n gymwys ac yn gymwysedig sy'n gallu darparu gofal a chymorth mewn rolau lle mae angen cofrestru.

Mae cofrestru gyda ni yn golygu eich bod yn rhan o weithlu proffesiynol a gallwch ddangos bod gennych sgiliau a gwybodaeth sy'n hanfodol i ddarparu gofal a chymorth da i bobl Cymru.

Dyma ganllaw fideo cyflym ar gofrestru gyda ni.

Mae’r Gofrestr yn agored i’r grwpiau gweithwyr canlynol:

• gweithwyr cymdeithasol
• myfyrwyr gwaith cymdeithasol

Rheolwyr gofal cymdeithasol

• rheolwyr gofal preswyl i blant
• rheolwyr cartrefi gofal i oedolion
• rheolwyr gofal cartref
• rheolwyr gwasanaethau mabwysiadu
• rheolwyr lleoli oedolion
• rheolwyr eiriolaeth
• rheolwyr gwasanaethau maethu
• rheolwyr canolfannau preswyl i deuluoedd.

Mae’n rhaid i’r holl weithwyr cymdeithasol a rheolwyr gofal cymdeithasol gofrestru ar ôl cwblhau eu cymhwyster neu ddechrau yn y swydd.

Gweithwyr gofal cymdeithasol

• gweithwyr gofal preswyl i blant
• gweithwyr gofal cartref
• gweithwyr cartrefi gofal i oedolion
• gweithwyr canolfannau preswyl i deuluoedd.

Dylai pob gweithiwr gofal cymdeithasol gofrestru cyn gynted â phosibl gan ddilyn y canllawiau isod:

• Os ydych wedi dechrau gweithio fel gweithiwr gofal cymdeithasol cyn y 30 Medi 2022, bydd gennych 12 mis o ddyddiad cychwyn eich rôl i gofrestru
• Os ydych wedi dechrau gweithio fel gweithiwr gofal cymdeithasol o 1 Hydref 2022 i 31 Mawrth 2023, bydd angen i chi gofrestru gyda ni erbyn 1 Hydref 2023.
• Os ydych wedi dechrau gweithio weithiwr gofal cymdeithasol ar neu ar ôl 1 Ebrill 2023, bydd gennych chi chwe mis o ddyddiad cychwyn eich rôl i gofrestru gyda ni.

Mae'n ofyniad cyfreithiol i weithwyr yn y rolau hyn gofrestru gyda ni.

Os nad ydych chi'n siŵr os ydych chi angen cofrestru gyda ni, neu pryd y dylech chi gofrestru, cysylltwch â'n tîm am help drwy e-bostio ymholiadau@gofalcymdeithasol.cymru.

Mae manteision bod yn berson cofrestredig yn cynnwys y canlynol:

Meithrin ymddiriedaeth a hyder

• gall pobl ddibynnu ar weithwyr gofal cymdeithasol cofrestredig
• mae gan bobl hyder o wybod eich bod yn dilyn y Cod

Gwerthfawrogi gweithwyr gofal cymdeithasol

• gallwch ddangos bod gennych chi’r sgiliau a’r wybodaeth i fod yn weithiwr gofal cymdeithasol
• gallwch ddangos eich bod wedi cael hyfforddiant a’ch bod yn cymryd cyfrifoldeb am ddatblygu gwybodaeth a sgiliau
• gall cyflogwyr ddarparu’r cymorth a’r datblygiad sydd eu hangen arnoch
• trwy wybod mwy amdanoch bydd yn haws i ni gynllunio ffyrdd o’ch cynorthwyo.

Sicrhau bod pobl yn ddiogel

• amddiffyn hawliau pobl a sicrhau eu bod yn cael gwrandawiad
• cynorthwyo pobl i fod yn annibynnol ac i amddiffyn eu hunain
• os nad yw gweithiwr yn addas i ymarfer, gellir ei dynnu oddi ar y Gofrestr fel nad yw’n gallu ymarfer yng Nghymru.

Manteision eraill

• defnyddio teitl eich proffesiwn yn gyfreithlon
• cymorth a gwybodaeth o’n dogfennau canllawiau ymarfer a’n cyhoeddiadau eraill
• gwahoddiadau i ddigwyddiadau a chynadleddau
• gwahoddiadau i ymgynghoriadau.

Dyma ddau fideo astudiaeth achos sy'n dangos manteision bod yn weithiwr cofrestredig gyda ni.

Rydym yn cadw cofrestr o bobl sydd wedi dangos eu bod yn addas i weithio ym maes gofal cymdeithasol. Rhaid i bawb ar y Gofrestr ddangos eu bod;

• â chymwysterau priodol
• yn ffit yn gorfforol ac yn feddyliol i ymarfer
• bod â'r cymeriad a'r cymhwysedd
• dilyn y Cod Ymarfer Proffesiynol ar gyfer Gofal Cymdeithasol (y Cod) a chanllawiau ymarfer ar gyfer eu rôl
• yn bwriadu ymarfer gofal cymdeithasol yng Nghymru
• yn ymarfer yn y maes y mae eu cais yn ymwneud â'u cais i gofrestru.

Rydym yn defnyddio Rheolau Gofal Cymdeithasol Cymru (Cofrestru) 2022 i gynnal y Gofrestr. Cymeradwyir y rheolau hyn gan Lywodraeth Cymru, a rhain yw'r fframwaith ar gyfer cofrestru'r gweithlu gofal cymdeithasol.

Ers Hydref 2022, y nifer o bobl gofrestredig yw:

• 6,676 – gweithwyr cymdeithasol
• 1 – rheolwr gwasanaeth mabwysiadu
  
• 1,318 – rheolwyr cartrefi gofal i oedolion
  
• 8,920 – gweithwyr cartrefi gofal i oedolion
  
• 7 – rheolwyr lleoli oedolion
  
• 3 – rheolwr eirioli i blant a phobl ifanc
  
• 969 – rheolwyr gofal cartref
• 20,674 – gweithwyr gofal cartref
  
• 13 – rheolwyr gwasanaeth maethu
  
• 318 – rheolwyr gofal preswyl i blant
• 3,050 – gweithwyr gofal preswyl i blant
  
• 3 – rheolwr canolfan preswyl i deuluoedd
• 637 – myfyrwyr gwaith cymdeithasol.
  

Bob blwyddyn rydyn ni'n cyhoeddi adroddiadau data ar y wybodaeth a roddir i ni gan ymgeiswyr a phersonau cofrestredig.

Gweld holl adroddiadau data cofrestru.

Os oes gennych gwestiwn neu os na allwch ddod o hyd i'r hyn yr ydych yn edrych amdano, cysylltwch â ni.